ÇERTIFIKIMI HALLALL

Të ushqehesh hallall duke përmbushur disa kërkesa të besimit Islam karshi ushqimit është një obligim fetar, të cilin e njohin pothuajse të gjithë muslimanët, madje dhe shumë prej jomuslimanëve. Besimtarët muslimanë përbëjnë sot në botë rreth 1/6 e banorëve të saj dhe nisur nga ky realitet kërkesa dhe oferta për produkte hallall është tepër e madhe. Për të siguruar garancinë se produktet hallall plotësojnë të gjitha kriteret islame për të qenë të tilla, si dhe për të mbyllur hapësirën e abuzimit ndaj konsumatorëve që kërkojnë këto produkte ushqimore, në vende të ndryshme të botës islame dhe joislame janë ngritur institucione çertifikimi, shtetërore dhe joshtetërore, të cilat kryejnë rolin e garantit në mes prodhuesit të një produkti për të cilin ai pretendon se është hallall dhe konsumatorit që është i interesuar për këtë produkt.
Tashmë çertifikimi hallall është një praktikë botërore dhe në disa shtete muslimane ai kryhet nga vetë shteti, por edhe në disa shtete jomuslimane shteti ndihmon në aplikimin e këtij standardi, që edhe pse shihet si standard privat, ai nuk lejon abuzimin me të nga palë të tjera që mund të përdorin emërtimin hallall ndërkohë që ata nuk e plotësojnë këtë standard..

Proçesi i çertifikimit Hallall

Standardi Hallall është një platformë e fokusuar në identifikimin dhe plotësimin e kërkesave të fesë Islame gjatë proçesit të prodhimit të produkteve ushqimore si dhe plotësimin e kërkesave bazuar në parametrat e sigurisë ushqimore, duke përfshirë aspektet e higjenës, Praktikat e Mira Prodhuese, infrastrukturën prodhuese, funksionimin e sistemit të auditimit të brendshëm etj. Nga plotësimi i këtyre parametrave kompania prodhuese demonstron aftësitë për të identifikuar dhe kontrolluar pajtueshmërinë e Sistemit të Sigurisë Hallall konform standardit Hallall.
Pas finalizimit të marrëveshjes me klientin, trupa çertifikuese inspekton ambientet e kompanisë dhe kryen analizën e plotë të sistemit të prodhimit ushqimor referuar kërkesave të standardit Hallall, ku në fund të proçesit të inspektimit paraqiten jo konformitet e rezultuara gjatë proçesit të prodhimit të produktit ushqimor. Jo konformitetet e identifikuara mund të jenë në sistemin e dokumentimit, zbatimit, ndërgjegjësimit të punonjësve, përpunimit, gjurmueshmërisë dhe verifikimit të përbërësve, përputhshmërisë ligjore dhe rregullores standarde të punës.

Përfitimet e Çertifikimit Hallall

Garanci në prodhimin e produkteve ushqimore në përputhje me kërkesat e përshkuara në standardin Hallall;
Shtimi i vlerës së produktit nga zbatimi i një standard të njohur globalisht;
Krijimi i imazhit pozitiv dhe mundësi bashkëpunimi me klientë potencial.

Pse Tirana Food Consulting?

Integriteti dhe profesionalizmi i ekipit të Tirana Food Consulting bëjnë të mundur mbrojtjen e prodhuesve/përpunuesve dhe garantimin e konsumatorëve. Ekipi jonë ofron mbështetje dhe bashkëpunim të plotë në të gjitha hapat e ngritjes së Sistemit të Sigurisë Hallall, me qëllim realizimin e suksesshëm të çertifikimit Hallall që në fazën e parë të aplikimit dhe gjatë proçesit të inspektim/çertifikimit.

Fushat e konsulencës të ofruara nga Tirana Food Consulting për zbatimin e Sistemit të Sigurise Hallall përfshinë fazat e: Planifikimit, Organizimit, Drejtimit, Motivimin e Burimeve Njerëzore, Monitorimin, Analizën e Rrezikut, Auditet e Brendshme dhe Vlerësimin.